నిన్న రామోజీ ఫిలిం సిటీలో అంగ రంగ వైభవంగా జరిగిన సాహో సినిమా ప్రీ రిలీజ్ ఈవెంట్ భారీ అభిమానులు మధ్య కోలాహలంగా జరిగింది. ఈ ఈవెంట్ లో రాజమౌళి, అల్లు అరవింద్, దిల్ రాజు వంటి ప్రముఖులు హాజరయ్యారు. ఇక్కడకి వచ్చిన రాజమౌళి, దిల్ రాజు .. సుజిత్ ను ఓ రేంజ్ లో మెచ్చుకున్నారు. రాజమౌళి అయితే సుజిత్ చిన్న వయసులోనే ఇంత పెద్ద సినిమాను తీస్తాడని అనుకోలేదని .. మేకింగ్ వీడియో చూసినప్పుడే ఈ సినిమా స్టామినా .. సుజిత్ స్టామినా ఏంటో అర్ధం అయ్యిందని చెప్పుకొచ్చారు. ఇక దిల్ రాజు మాట్లాడుతూ.. భారీ సినిమాను తీయడానికి రాజమౌళికి ఇన్నేళ్లు పడితే సుజిత్ కు కేవలం రెండవ సినిమాకే సాధ్య మైందని చెప్పుకొచ్చారు.
అయితే ప్రభాస్ బాహుబలి లాంటి సంచలన మూవీ తరువాతి సినిమా పెద్ద డైరెక్టర్ దర్శకత్వంలో ఉంటుందని చాలా మంది ఊహించారు. కానీ అనూహ్యంగా కేవలం ఒకే ఒక్క సినిమా అనుభవం ఉన్న అది కూడా శర్వానంద్ తో రన్ రాజా రన్ సినిమా తీసిన దర్శకుడు సుజిత్ కి అవకాశం ఇస్తారని ఎవరు ఊహించలేదు. కానీ సుజిత్ మాత్రం ప్రభాస్ ను డైరెక్ట్ చేసే అవకాశం కొట్టేసారు. అయితే ఈ సినిమా డీల్ చేసే ముందు ఇంత పెద్ద సినిమాను, భారీ సిజిఎఫ్ వర్క్ ఉన్న మూవీని కనీసం ఒకే ఒక్క సినిమా అనుభవం ఉన్న సుజిత్ ఎలా డీల్ చేస్తారని అందరూ అనుకున్నారు.
కానీ అందరీ అనుమానాలను పటా పంచెలు చేస్తూ మేకింగ్ వీడియోతోనే తన మేకింగ్ ఎలా ఉండబోతుందో ప్రేక్షకులకు, తన సామర్థ్యం మీద నమ్మకం లేని వారికీ రుచి చూపించారు. అయితే లేటెస్ట్ గా సాహో సినిమా నుంచి కొత్త సాంగ్ ఒకటి రిలీజ్ అయ్యింది. ఆ పాటను ఆస్ట్రియాలో అద్భుత లొకేషన్ లో చిత్రీకరించారు. ఈ పాట లో ఉన్న గ్రాండ్ నెస్, హై క్వాలిటీ, అందులో పెట్టిన ఖర్చు ఆ సాంగ్ మేకింగ్ అవన్నీ చూసిన తరువాత మనకు శంకర్ గుర్తుకు రాక తప్పదు.
