డాషింగ్ డైరెక్టర్ పూరి జగన్నాథ్ దర్శకత్వంలో ఎనర్జిటిక్ స్టార్ హీరో రామ్ హీరోగా వచ్చిన సినిమా ‘ఇస్మార్ట్ శంకర్’. పూరి చార్మి నిర్మాణ సమక్షంలో వచ్చిన ఈ సినిమా లో రామ్ పక్కన హీరోయిన్ గా నభా నటేష్‌, నిధి అగర్వాల్‌ హీరోయిన్లుగా నటించడం జరిగింది. వరల్డ్ వైడ్ గా జులై 18 వ తారీఖు న విడుదలైన ఈ సినిమా టాలీవుడ్ బాక్సాఫీస్ దగ్గర కళ్లు చేసే విధంగా ఓపెనింగ్స్ సాధించింది. ముఖ్యంగా పూరి జగన్నాథ్ ఈ సినిమా రాక ముందు నుంచి వరుసగా ఫ్లాపులు ఉన్న క్రమంలో ఈ సినిమాకి వచ్చిన కలెక్షన్లు మరియు ఆదరణ చూసి ఇండస్ట్రీలో ఉన్న చాలామంది స్టార్ హీరోలు ప్రముఖులు డైరెక్టర్ పూరి ని సోషల్ మీడియాలో ఆకాశానికెత్తేశారు. పూరి కెరీర్లోనే అత్యంత ఓపెనింగ్స్ తెచ్చిన సినిమాగా ప్రత్యేకత దక్కించుకున్న ఈ సినిమా దాదాపు 38 నుంచి 40 కోట్ల వరకు  గ్రాస్‌ షేర్ ను సాధించింది.


మరోపక్క రామ్ కెరీర్ లో కూడా బిగ్గెస్ట్ హిట్ ఇది. ఇన్నాళ్లూ రామ్ ...హిట్ రేంజ్ అంటే 25 కోట్ల వరకూ ఉంది. ఈ సినిమాతో ఒక్కసారిగా 40 కోట్లకు జంప్ చేసింది. మొత్తం మీద ఖర్చులు అన్నీ పోనీ లాభం ప్రస్తుతం చూస్తే పూరి జగన్నాథ్ కి ఆల్ టైం బిగ్గెస్ట్ హిట్ ఇది. ఈ సినిమాని 17 కోట్లుకు అమ్మితే...లాభం 22 కోట్లు అదీ కేవలం థియోటర్ రెవిన్యూ నుంచి వచ్చింది. డిజిటల్ రైట్స్, శాటిలైట్ రైట్స్, హిందీ డబ్బింగ్ రైట్స్, మిగతా భాషల డబ్బింగ్ రైట్స్ అదనంగా మిగులుతాయి. మరోపక్క హీరో రామ్ ఇటీవల సినిమా గురించి మాట్లాడుతూ...‘‘సినిమా చూశాక ఎలా ఫీల్ అయ్యానో ఆడియన్స్ రెస్పాన్స్ చూశాక అదే ఫీల్ అయ్యాను.


నేను ఇదివరకు చేస్తున్న పాత్రలకు భిన్నంగా ఈ సినిమాలో నా పాత్ర ఉందంటే.. అందుకు కారణం పూరీ గారు. నాకు ఒక మంచి క్యారెక్టరైజేషన్ ఇచ్చి నన్ను డిఫరెంట్‌గా ప్రెజెంట్ చేసారు. ఈ సక్సెస్‌ను నా మంచి కోరుకునే వారందరికీ డెడికేట్ చేస్తున్నాను. మణిశర్మగారి సంగీతం, హీరోయిన్స్ గ్లామర్ సినిమా సక్సెస్‌కు యాడ్ అయ్యాయి. సినిమాలో నటించిన ఇతర నటీనటులకు, టెక్నీషియన్స్‌కు థ్యాంక్స్ చెబుతున్నాను’’ అన్నారు.  


మరింత సమాచారం తెలుసుకోండి: